Amin’ny fifaliana no iarahabanay anao tratran’izao androm-piravoravoana kristiana izao ! Faly isika satria velona indray ny fanantenana ny amin’ny fiainana raha nanozongozona ny fiainan-janak’olombelona ny valan’aretina Covid-19 sy ny forongony. Nitsangana tamin’ny maty ny Tompo ka maneho ny fandreseny ny herin’ny fahafatesana Izy. Isika izay velona ao Aminy ihany koa dia miaina izany fandresena izany eo amin’izay lalovantsika rehetra isan’andro. Fa hoy indrindra ny Testamenta vaovao hoe : « Kanefa amin'izany rehetra izany dia manoatra noho ny mpandresy isika amin'ny alalan'ilay tia antsika » (Romana 8,37). Tsy fandresena mandalo ihany anefa no tian’i Tompo ivelomantsika izay mino Azy fa fahombiazana manan-kery kosa manombok’izao ka ho mandrakizay. Misy ny fahavalo izay misompatra antsika mba tsy hahafahantsika migoka izany fahasoavana omen’Andriamanitra izany. Omen’i Tompo làlana isika mba hiarovany antsika manoloana izany. Hitantsika ao amin’ny episitilin’i Jakoba toko faha-efatra izany ka ny andininy faha fito ka hatramin’ny faha folo :

“Ka dia maneke an Andriamanitra ianareo; ary manohera ny devoly, dia handositra anareo izy. Manatòna an'Andriamanitra, dia hanatona anareo Izy. Diovy ny tananareo, ry mpanota; ary ataovy madio ny fonareo, ry mpiroa saina. Oria, sy mitomania, ary midradradradrà; aoka hody fitomaniana ny fihomehezanareo, ary hody fanjoretana ny fifalianareo. Manetre tena eo anatrehan'ny Tompo, dia hanandratra anareo Izy”.

Misy dingana telo no tsy maintsy izorantsika mino ho amin’ny fiainam-pandresena araka izay voalazan’ny teny eto...

Tohiny : tsindrio eto